Talaq Dene Par Muallaq Ka Nikah Karna

نکاح صحیح ہے خواہ دل میں یہ قصد رکھا خواہ عقدمیں اس کی شرط کرلی کہ طلاق کا شرط کرنا ہی ارادۂ نکاح دائم پردلیل ہے،ہاں اگر یوں عقد کرے کہ میں نے تجھ سے ایك مہینہ یا ایك برس یا سو برس کے لیے نکاح کیا تو نکاح نہ ہوگا کہ ایك وقت تك نکاح کو محدود کردینا صورتِ متعہ ہے اور متعہ محض حرام اور زنا۔

درمختار میں ہے: بطل نکاح متعۃ ومؤقت وإن جھلت المدۃ لوطالت فی الأصح ولیس منہ ما لو نکحھا علی أن یطلقھا بعد شھر أو نوی مکثہ معھا مدۃ معیّنۃ۔

(الدرالمختار المطبوع مع رد المحتار، کتاب النکاح، فصل في المحرمات، ج: ٤، ص: ١٤٥، ط: دار عالم الکتب، الریاض)

ردالمحتار میں ہے:لأن اشتراط القاطع یدل علی انعقادہ مؤبدا وبطل الشرط بحر۔

(ردالمحتار، کتاب النکاح، فصل في المحرمات ج: ٤، ص: ١٤٩، ط: دار عالم الکتب، الریاض) واﷲ تعالیٰ أعلم۔

(فتاوی رضویہ ، ج:11، ص:192، کتاب النکاح ، ط: برکات رضا، پوربندر، گجرات)